Politika e Privatësisë

Kur krijon llogari: emri, email-i, telefoni, dhe fjalëkalimi (i ruajtur i koduar, kurrë si tekst i thjeshtë).

Kur rezervon: numri i patentës së shoferit dhe konfirmimi i moshës, që kompania t'i verifikojë në marrjen e veturës.

Kur kompania dokumenton dorëzimin/kthimin: foto të gjendjes së veturës, kilometrazhi, niveli i karburantit.

Automatikisht: hyrjet në sistem dhe veprimet sensitive (ndryshim statusi, aprovim, etj.) regjistrohen në një log auditimi, për siguri dhe llogaridhënie.

Për të përpunuar rezervimin tënd dhe për t'ia përcjellë kompanisë përkatëse informacionin e nevojshëm.

Për të të dërguar njoftime rreth rezervimeve (konfirmim, refuzim, kujtesa) — brenda platformës dhe me email.

Për të mbrojtur platformën nga abuzimi (p.sh. kufizimi i tentativave të kyçjes).

Të dhënat e rezervimit (emër, kontakt, numër patente) i ndahen VETËM kompanisë te e cila rezervon — asaj i duhen për të përgatitur veturën dhe për ta verifikuar identitetin tënd.

Nuk i shesim dhe nuk i ndajmë të dhënat e tua me palë të treta për qëllime marketingu.

Të dhënat e llogarisë ruhen deri sa ta fshish llogarinë. Historiku i rezervimeve ruhet edhe pas kësaj për arsye kontabël dhe ligjore (fatura, komisione), sipas afateve të kërkuara nga legjislacioni.

Mund të kërkosh të shohësh, korrigjosh, ose fshish të dhënat e tua duke na kontaktuar. Disa të dhëna (p.sh. historiku i rezervimeve të përfunduara) mund të mbahen për arsye kontabël edhe pas kërkesës për fshirje, sipas ligjit.

Fjalëkalimet ruhen të koduara (bcrypt), asnjëherë si tekst i thjeshtë. Tokenët e rivendosjes së fjalëkalimit skadojnë brenda 1 ore dhe përdoren vetëm një herë. Aksesi tek të dhënat brenda ekipit tonë kufizohet sipas rolit.

Për çdo pyetje rreth privatësisë ose për të ushtruar të drejtat e tua, na shkruaj në adresën e kontaktit të listuar në faqen tonë.